Zandategi eta Agerre Etxemendiko bidearen zati handi bat asfaltatu dute. Argazkiak:
KONPOSTA DOAN
Beasaingo eta Ordiziko garbigunean jaso daiteke konposta doan ekainaren 3tik 28ra. Ordutegia: Astelehenetik ostiralera: 9:00-12:00 / 15:30-18:00 Larunbatetan: 9:00-13:00 Nahiago baduzu, Gabirian bertan ere jaso ahal izango duzu ekainaren 3tik 15era bitartean. Horretarako 680 390 142 telefonora deitu beharko da (Arantxa).
AIZELEKUKO FESTA
Aurten Aizelekuko festa ekainaren 2an, igandea, egingo da. Hau da aurtengo egitaraua: 10:55 Ongi etorria Gabiriako eta Legazpiko udaletxekoei txistulariekin 11:00 Meza gurutze ondoan Ondoren, txistulariak, dantzariak eta bertsolariak izango dira eta amaitzeko, mokadutxoa izango da Aizeleku puntan trikitilariek alaituta.
IRAKURLE TXOKOA
Ekainaren 1ean, larunbata, 16:00etan irakurle txokoa izango da kultur etxean. Fakirraren ahotsa liburua irakurriko dute, Harkaitz Canorena. Oraindik astia daukazue liburua irakurtzeko, animatu!
KIROLARIEN MAHAI INGURUA
Kirolarien mahai ingurua bihar izango da, maiatzaren 24a, ostirala, 18:30ean kultur etxean. Kirolariak: June Garitano Iturbe (eskiatzailea) Oihana Azkorbebeitia Urizar (mendi korrikalaria) joxe Jauregi Iturrioz (saskibaloi jokalaria) Moderatzailea: Eneritz Gorrotxategi Zuaitz
MINATAKO BIDEA
Minatako bidean okerren dauden zatiak asfaltatu dituzte. Hemen argazki batzuk:
EMAKUMEEN XXXII. BIRA
Bizikletako emakumeen XXXII. bira hasiko da maiatzaren 22an Iurretan eta 25ean amaituko da Oñatin. Maiatzaren 25ean (Oñati-Oñati) 15:00rak inguruan, Gabiriatik pasatuko da. Ez herriaren kaskogunetik, Ormaiztegitik Atagoitira joango baita.
JUBILATU EGUNA
Igande honetan, maiatzaren 19an, jubilatu eguna ospatuko da Gabirian. Aurten 60 lagun inguru izango dira bazkaltzen Osinalde elkartean. Urtero bezala, bertsolariak, dantzariak eta sari banaketak izango dira bertan.
LANDARE EGUNA
Landare eguna ospatuko da maiatzaren 18 goizean, larunbata. Eskolako umeek landareak landatuko dituzte herriko hainbat lekutan: eskolan, autobus geltokian, udaletxean, frontoiko bidean…
FESTETAKO BILERA IREKIA
Festetako bilera irekia egingo da ostiral honetan, maiatzaren 17an 18:30ean kultur etxean. Bertaratu zaitezte, denon beharra baitago festak antolatzeko!