Amaitu dira ostatuko teilatua berritzeko lanak

Joan den uztailean amaitu ziren Ostatuko teilatua eraberritzeko lanak, eta, horrela, eraikin osorako beharrezko irisgarritasuna lortu da. Lan horiek finantzatu ahal izateko, Udalak Eusko Jaurlaritzaren Leader Programako laguntza eta Gipuzkoako Foru Aldundiaren Landa Garapenerako laguntzak jaso ditu.

Gabiriako udalerrian eukaliptoa landatzea debekatzeko mozioa onartu du Udalak

“Gabiria” Hautesle Elkarteak aurkeztutako mozioa onartu du Udalak maiatzaren 17ko Osoko Bilkuran. Hori horrela, Hiri Antolamendurako Plan Orokorra berritu arte eta horretan zehaztu arte lurzoruaren erabilera posibleak, udalerri guztian eukalipto-landaketak egitea debekatzea onetsi da, ebidentzia zientifikoei men eginez. Mozioaren testu osoa, hemen:

GABIRIAKO UDALAK BIZITEGI PARTZELA BAT BESTERENDUKO DION PERTSONA HAUTATZEKO PROZEDURA

Gabiriako Udalak “Alkain-Txiki”n kokatutako bizitegi partzela bat salgai jartzeko erabakia hartu du, ondoren bertan etxebizitzak eraikitzeko. Horretarako, partzela hau besterenduko zaion pertsona hautatzeko prozedura martxan jarri du, dagokion iragarkia “Kontratazio Publikoa Euskadin Plataforma”n argitaratuz. Interesatuek eskaerak aurkezteko epea martxoaren 16ik aprilaren 11ra bitartekoa izango da. Administrazio Klausula Partikularren Pleguak IRAGARKIA

Valentin Larrea Iturberen inguruko webgunea martxan

Valentin Larrea Iturbe musikagile eta piano-jotzaile gabiriarraren inguruko webgunea martxan dago, eta honako loturan topatuko duzue: https://valentinlarrea.eus/ Bertan, egin zuen lanaren inguruko informazioa, biografia eta beste hainbat kontu topatuko dituzue. Webgunea Gabiriako Udalaren eta Gipuzkoako Foru Aldundiaren laguntzarekin osatu da.