Valentin Larrea Iturbe musikagile eta piano-jotzaile gabiriarraren inguruko webgunea martxan dago, eta honako loturan topatuko duzue: https://valentinlarrea.eus/ Bertan, egin zuen lanaren inguruko informazioa, biografia eta beste hainbat kontu topatuko dituzue. Webgunea Gabiriako Udalaren eta Gipuzkoako Foru Aldundiaren laguntzarekin osatu da.
Gipuzkoako erroten eguna
Aurten, maiatzean zehar, Gipuzkoan erroten eguna ospatuko da hainbat eta hainbat herritan. Gabirian, maiatzaren 21ean izango dugu horretaz gozatzeko aukera; eguna hurbildu ahala, zabalduko dugu informazio gehiago ohiko kanaletan. Baina inguruko herrietako ekimenen berri ere jakin dezazuen, informazio osoa dokumentu honetan ikus dezakezue.
Bizkargi eguna, maiatzak 2
Igande honetan, maiatzaren 2an, Bizkargi eguna ospatuko dugu Gabirian ere. Iaz bezala, etxeko balkoietan ikurriña zintzilikatzeko deia egin nahi dugu. Gainera, 36ko gerran hildako 14 gudari gabiriarren omenez, altxafuego bana botako dugu igandean bertan, eta udaletxeko ikurriña haga erdian egongo da.
Memoria historikoaren inguruko lan-taldea
2020ko ekainean, Aimar Maizek idatzitako “Goazen gabiriar danok” liburua aurkeztu zen Gabirian, eta harekin batera, Alex Areizagak zuzendutako dokumentala ere bai. Bien salmentatik jasotako dirua Udalaren esku jarri dute egileek, eta ekarpen hori memoria historikoa lantzen jarraitzeko baliatu nahiko genuke. Horretarako, gaian interesa duten pertsonekin lan-talde bat osatzea erabaki dugu, garrantzitsua iruditzen zaigulako gaiari berandu … Continue reading Memoria historikoaren inguruko lan-taldea
Dokumentalaren emanaldia eta Valentin Larrearen obraren kontzertua
Irailaren 18an, ostirala, hainbat eta hainbat gabiriar gerrara joan ziren egunaren 84. urteurrenean, “Goazen gabiriar danok” liburuan oinarrituta egindako dokumentalaren emanaldia izan genuen kultur etxean. Emanaldia amaitutakoan, Aimar Maizekin solasean aritzeko aukera izan genuen, eta memoria historikoaren inguruan lanean jarraitzearen garrantziaz aritu ginen, besteak beste. Igandean, berriz, Valentin Larrea Yturbe gabiriarraren obraz gozatzeko aukera paregabea izan … Continue reading Dokumentalaren emanaldia eta Valentin Larrearen obraren kontzertua
“Goazen gabiriar danok” liburua eta dokumentala salgai
Aimar Maiz gabiriarrak idatzitako 1936ko gerraren inguruko “Goazen gabiriar danok” liburua eta Gattikenek ekoiztutako izen bereko dokumentala ekainaren 20an aurkeztu ziren. Liburua eta dokumentala erosi nahi dutenek, honako denda, taberna, jatetxe eta bulegoetan izango dute aukera (20 €): – Gabiriako Ostatua (Gabiria) – Aztiriako Erretegia (Gabiria) – Korta Jatetxea (Gabiria) – Gabiriako Udala (Gabiria) – … Continue reading “Goazen gabiriar danok” liburua eta dokumentala salgai
Gabiriarrak 1936ko gerran
2020ko Udaberri kulturaleko ekintza ia guztiak bertan behera utzi behar izan ditugun arren, apurka-apurka, hartu beharreko neurriak arintzen doazenez, ezinbesteko segurtasun neurri guztiak beteta, 1936ko gerraren inguruko ekitaldia egitea erabaki dugu. Ekainaren 20an, eguerdiko 12:00etan, elizatarian, Aimar Maizek idatzi duen 1936ko gerraren inguruko Goazen gabiriar danok liburuaren aurkezpena egingo da, eta baita Gattikenek ekoitzitako izen … Continue reading Gabiriarrak 1936ko gerran