Urtero bezala, aurten ere badator Olentzero Gabiririara! Larunbat honetan, abenduak 15, 16:30ean etorriko da ostatu ingurura, gutunak jaso eta bertaratzen diren guztiak agurtzera. Ondoren, mokadutxoa egongo da. Amaitzean, txistor jana izango dute Goruntz dantza taldekoek Osinalde elkartean.
Euskaraldiaren barruan egingo dugun beste ekintzetako bat bertso bazkaria izango da. Iaz Euskararen egunean izan zen eta aurten bezperan izango da, abenduaren 2an, igandea, 14:30ean Gabiriako ostatuan. Bertan bazkaldu nahi izanez gero, txartelak salgai daude ostatuan bertan, 20€an.
Gabiriako Ostatuak beste zozketa bat jarri du martxan. Berriro ere Marques de Caceres ardotegira bisita eta degustazioa zozketatuko ditu 4bikoterentzat. Zozketa hau laister bukatuko da, ardoak bukatzean beraz aprobetxatu gaurko pintxo potea!!!
Gabiriako Ostatuan, pasa diren asteetan zozketa bat jarri zuten martxan, Marques de Caceres ardoa edaten zutenen artean. Zozketa horren saria, Cenicero herrian aurkitzen den Marques de Caceres bodegara bisita eta ardo dastaketa bat ziren. Lau sarrera bikoitz zozketatu zituzten eta hauek izan ziren sarituak: Iñaki Maiz, Edorta Atin, Esti Alberdi eta Juanjo Goenaga. … Continue reading MARQUES DE CACERES
Gabiriako Ostatuan koadroen erakusketa bat jarri da tabernako hormetan eta baita jangelan ere. Pintura erakusketa hau Ane Urzelaik eta Dani Uribek antoltu dute Gabiriako Ostatuaren laguntzaz. Koadroak salgai daude 50€-tan bakoitza.
“Familia eta elikadura eskutik doaz” hitzaldia izango dugu EKAINAK 6, ASTEAZKENA, 18:30-19:30 bitartean Ostatuko goiko jangelan. Gurasoei, baserritarrei eta orokorrean herritarrei zuzendutako hitzaldia da. Ordu horretan, bitartean, umeak entretenituta edukiko ditugu dantza lekuan edota plazan (eguraldiaren arabera) Idoia Torregarairekin jolasten, kantatzen edo ipuinak kontatzen. Amaitzeko, BERTATIK BERTARAko produktuen mokadutxoa izango da Ostatuan. ANIMATU … Continue reading FAMILIA ETA ELIKADURA ESKUTIK DOAZ
Otsailak 2an Gabiriako Ostatuan jokatu zen Euskal Herriko txapelketako kanporaketa. 14 bikotek hartu zuten bertan parte. Irabazleak Ormaiztegiarrak izan ziren: Josu Arnaiz eta Gorka Arratibel. Bigarrenak: Jokin Murua eta Jon Murua Hurrengo fasea Bergaran izango da otsailaren 24ean. Lehenengo biak pasatuko dira bertara, baina bigarrenek joan ezina adierazi dutenez, Aratz eta Iñigo Igarzabalek ordezkatuko dituzte.
Euskal Herriko X. mus txapelketa izango da Gabiriako ostatuan Otsailaren 2an 21:00etan. Hau izango da lehenengo kanporaketa eta finala Martxoaren 10ean izango da Uztaritzen. 20€ kostako da apuntatzea. Animatu!Sari ederrak daude eta!
Urtarrilaren 13an Bilbon izango den manifestaziorako, aurten ere autobusak antolatu dira. Gabiriako Ostatuan eta Osinalde elkartean daude apuntatzeko listak. Ostegunerarte (hilak 11rarte) egongo da apuntatzeko aukera, animatu!
Gabiriako ostatuan denda ireki da! Oraindik bertan elikagairik egon ez arren, bertatik bertarako produktuak jartzea da idea eta beste hainbat eguneroko elikagai. Oraingoz bestelako produktuak daude bertan salgai.
