Beldur Barik programak bi tailer antolatu ditu 16 eta 26 urte arteko gazteentzat: Mutilei zuzendutako ligoteo tailerra: ekainaren 30ean, 12:00-13:30 artean, online. Izena emateko: bit.ly/LigoteoTailerra Neskei zuzendutako autodefentsa ziber-feminista tailerra: uztailaren 1ean, 12:00-13:30 artean, online. Izena emateko: bit.ly/AutodefentsaZiberFeminista Izen-ematea irekita dago; ekainaren 25a izango da horretarako azken eguna. Animatu eta eman izena!
All posts by Udal Batzordeak
Manicom Place antzerkia larunbatean
Larunbat honetan, maiatzaren 29an, arratsaldeko 18:00etan elizako saloian “Manicom Place” antzezlana ikusteko aukera izango da eta herritar bat izango da antzezleen artean. Aforoa dela eta, DAGOENEKO EZ DAGO LEKURIK.
Ostiralean txikientzako antzerkia
Ostiral honetan, maiatzaren 28an, arratsaldeko 18:00etan txikientzako antzerkia izango da elizako saloian. Antzerkiaren izena “Kalean otso etxean uso” da eta 2 urtetik 12 urtera artekoei zuzendutakoa da. Ikuskizunera joateko, ezinbestekoa da aurrez izena ematea. Horretarako deitu (943 880 734) edo idatzi (udala@gabiria.eus) Udalera; herritarrok lehentasuna izango dugu. Animatu!
II. ZeAsma lehiaketaren irabazleak
Aurten, lan gutxi, baina oso onak jaso ditugunez, guztiak saritzea erabaki dugu. Mila esker parte hartu duzuen guztioi, eta ZORIONAK! Gerriko liburudendan gastatzeko 30 €ko txartel bana emango dizuegu. Aurkeztutako lanak ikusteko, sartu webguneko atal honetan: https://gabiria.eus/ze-asma-ii.
Bideak dokumentala larunbatean
Gogoratu larunbat honetan, hilak 22, “Bideak” dokumentala ikusteko aukera izango dugula, eta baita Xabier Unanua zuzendariarekin eta Aritz Ganboa gidoilariarekin solasaldia izatekoa ere. Kultur etxean elkartuko gara 18:00etan. *Aforoa dela eta, dagoeneko beteta dago izen-ematea.
Legazpiko gazte bandaren kontzertua
Larunbatean, maiatzaren 15ean, arratsaldeko 17:30ean Legazpiko gazte bandaren kontzertua izango dugu Gabirian. Poz-pozik gaude, herritar bat ere musikarien artean izango delako, Izaro Osinalde Elgarresta. Giro pattala bada, elizan egingo dute; ona bada, berriz, plazan. Izena emateko, deitu (943880734) edo idatzi (udala@gabiria.eus) Udalera.
Izan Bidea ekimena: Gabiriatik Ametzetako gainera
Larunbat honetan, maiatzaren 8an, Sarek antolatutako Izan Bidea ekimenarekin bat eginez, Euskal Herriko mendi tontorren igoeran parte hartzeko gonbidapena egin nahi dizuegu. Gabiriatik Ametzetako gainera igoko gara. Horretarako, 11:00etan elkartuko gara Minetako kanpan, 11:30 alderako tontorrera iritsi eta argazkia ateratzeko. Animatu eta gerturatu!
Bizkargi eguna, maiatzak 2
Igande honetan, maiatzaren 2an, Bizkargi eguna ospatuko dugu Gabirian ere. Iaz bezala, etxeko balkoietan ikurriña zintzilikatzeko deia egin nahi dugu. Gainera, 36ko gerran hildako 14 gudari gabiriarren omenez, altxafuego bana botako dugu igandean bertan, eta udaletxeko ikurriña haga erdian egongo da.
II. ZeAsma lehiaketa: istorioak, txisteak, bitxikeriak, pasadizoak…
Martxan da II. ZeAsma lehiaketa. Aurten, nahi duzuen formatuan eta nahi duzuen tamainako taldeetan (bakarka, binaka, talde handiagoan) istorioak, txisteak, bitxikeriak edo pasadizoak kontatzeko eskatuko dizuegu. Maiatzaren 16ra arteko epea duzue zuen sorkuntzak udal.batzordeak@gmail.com helbidera emailez edo 635203958 zenbakira Whatsappez bidaltzeko. Lehenengo edizioan bezala, oraingoan ere adin-taldeka banatu dugu lehiaketa, eta adin-talde bakoitzeko irabazleak Lazkaoko … Continue reading II. ZeAsma lehiaketa: istorioak, txisteak, bitxikeriak, pasadizoak…
Goierriko zomorroen argazki-erakusketa
Gaurtik igandera Goierriko zomorroen erakusketa ikusgarri bezain interesgarria izango dugu Gabiriako udaletxeko areto nagusian. 10:00etatik 19:00etara bitartean joan zaitezkete argazkiak ikustera. Ostiralean, apirilaren 30ean Iñaki Mezkitak hitzaldia eskainiko du areto horretan bertan, Goierriko zomorroei ateratako argazkiei buruz. Astean zehar emango dizuegu hitzaldi horren inguruko xehetasunen berri, baina izena eman nahi baduzue, deitu (943880734) edo idatzi … Continue reading Goierriko zomorroen argazki-erakusketa