Dakizuen moduan, larunbatean, martxoaren 27an, arratsaldeko 17:00etan izango da 2021eko Osinalde sariketaren finala Gabiriako Andra Mari elizan. Dagoeneko sarrera guztiak salduta daude, baina Goierri Telebistari esker, saioa zuzenean ikusteko aukera izango duzue gitb.eus webgunean.

Iaz ia ekintza guztiak bertan behera utzi behar izan genituen, eta horietako batzuk berrartuta eta berriak gehituta, honako egitaraua prestatu dugu aurtengo udaberrirako. Aforo kontuak direla eta, ekintzetan parte hartzeko ezinbestekoa izango da Udalean izena ematea (943880734 edo udala@gabiria.eus).

Duela aste batzuk hegazti gripea zela eta Eusko Jaurlaritzak ezarri zituen neurriaren berri eman genizuen. Bada, gaur argitaratu da neurri horiek bertan behera uzten dituen agindua. Aurreko oharrean aipatu genizkizuen eta bertan behera geratu diren neurriak honako hauek dira: Debekatua dago hegaztiak aire zabalean haztea. Hegaztiak aire zabalean edukitzeko, txori-oihalak jarri beharko dira, edo basa-hegaztiak … Continue reading Hegazti gripearekin lotutako neurriak bertan behera →

Hauxe da Agirin taldeak gabiriarroi martxoaren 8rako egin digun proposamena: Gaur martxoak 8, Gabirin ezer antolau ez deun arren, inguruko herritako mobilizazio ta ekintzata juteko gonbidapena etten deu. Aurtengo aldarrikapena zaintza gaien zentrau da; horrekatik, zaintzan ingurun hausnartzea proposatzen deu, ta kartelak esaten don bezela: zaintza lanak ikusarazi, balorau ta banatzea!

Gipuzkoako Foru Aldundiak hegaztien gripea dela eta udalerri guztiei egindako eskaeraren inguruko informazioa daukazue honako oharrean: Hegazti-gripea gero eta gertuago omen daukagu, eta azken asteetan basoko zein etxeko hegaztietan zenbait foku agertu dira Landetan, baita Kantabrian eta Gironan ere. Hegazti migratzaileek etxeko hegaztientzat izan dezaketen arriskuaren aurrean, zenbait neurri hartu dira Gipuzkoako ustiategi guztietan (autokontsumorako … Continue reading Hegazti gripearen inguruko oharra →

2020ko Osinalde sariketa pandemiak bete-betean harrapatu zuen, eta bertan behera utzi behar izan zuten. Baina aurten, aldaketa dezenterekin bada ere, aurrera egitea erabaki dute. Saioak ez dira afalondorenekoak izango, jakina, eta Aztiriakoa Legazpin izango da. Honakoak dira kanporaketen eta finalaren datak, orduak eta lekuak: Martxoaren 19an, ostirala, Legazpiko Latxartegi Aretoan, arratsaldeko 17:00etan. Martxoaren 20an, larunbata, … Continue reading Osinalde sariketa →

Koronabirusaren eraginez ezarritako neurri murriztaileekin, ezin dugu lasterketa antolatu parte hartzaileek eta herritarrek behar bezala gozatzeko moduan. Hori dela eta, aurten ere lasterketa bertan behera uztea erabaki dugu….

Dakizuen moduan, etzi hasiko da Euskaraldiaren bigarren edizioa. Oraindik txapa jaso ez baduzue, udaletxean daukazue horretarako aukera. Euskaraldiaren harira, bi jarduera antolatu ditugu: Azaroaren 26an, Beatriz Egizabalen “Txor-txor” bakarrizketa umoretsua iluntzeko 19:00etan, elizako saloian. Abenduaren 5ean, Gabiriako bertsolarien saioa iluntzeko 19:00etan, elizan. Saio batean zein bestean parte hartzeko, ezinbestekoa izango da izena ematea. Horretarako, deitu … Continue reading Txor-txor bakarrizketa eta bertso saioa →

Gipuzkoako Foru Aldundiak covid 19aren inguruko informazioa biltzen duen atala jarri du herritarren eskura. Bertan, koronabirusarekin lotutako informazio orokorra, eta Gipuzkoako herrien inguruko datu zehatzak ikusteko aukera dago. Gabiriako Udalak bere webgunean txertatu du atari horretara erraz sartzeko bidea. Nahikoa da gabiria.eus webgunean sartu, eta irudiko birusaren ikurrean klik egitea.

Aurreko asteartean, hilaren 20an, energia aurrezteko aholkuen inguruko ikastaroa izan zen udaletxeko areto nagusian. Datorren asteartean egitekoa zen energia berriztagarriei buruzko ikastaroa ordea, bertan behera geratu da osasu-egoera dela ta. Espero dugu aurrerago egiteko modua izango dela.

Dagoeneko, 59 gabiriarrek eman dugu izena Euskaraldian. Oraindik ez duzula egin? Ez dakizula Gabirian Euskaraldia zertarako behar dugun? Hemen duzu beste arrazoi bat. Animatu, eta eman izena www.euskaraldia.eus helbidean.

Irakurleen txokoan, Karmele Jaioren Aitaren etxea eleberriaz arituko dira abenduaren 19an arratsaldeko 16:00etan. Oraindik irakurri ez baduzue, garaiz zabiltzate. Animatu!