Udal Albisteak

Udal Albisteak

Category Archives: Udal Albisteak

“Miñan” liburuaren inguruko solasaldia Amets Arzallusekin

Martxoko Irakurleen txokoa berezia izango da. Oraingorako, Amets Arzallusen eta Ibrahima Balderen “Miñan” liburua aukeratu dute, eta martxoaren 12an solasaldia egingo dute kultur etxean Amets Arzallusekin berarekin, iluntzeko 19:00etan. Etorkinen inguruko liburu sakon eta hunkigarria erraz irakurtzekoa dela esan digute, eta herritar guztiak animatu nahi dituzte solasaldian parte hartzera. ANIMATU!

Adinekoentzako topagunea

Azken urteetan, adinekoentzako topagunea martxan daukagu Gabirian. Hasieran, Lahar elkarteak bideratzen zituen saioak, baina badira hilabete batzuk Nekane Peralto Gabiriako bizilagunarekin hasi zirenetik. 8 bat lagun elkartzen dira ostegunetan 17:15 aldera kultur etxean, eta dinamika ezberdinekin ondo pasatzeko tartea hartzen dute astero. Bertaratzeko, Udalak taxi zerbitzua eskaintzen du, eta gehiagorentzako lekua ere badagoenez, parte hartzera … Continue reading Adinekoentzako topagunea

Santa eskean Gabirian

Aurten ere gabiriarrak etxez etxe kantuan aritu dira Santa Ageda bezperan. Eskolako haurrak oinez egin dute ibilbidea kaskoko eta hurbileko hainbat etxetan, eta helduen taldea egun osoan ibili da, kantuz eta koplaz ohitura zaharrari eusteko asmoz. Goierriko Hitzakoek ere egin diete tartea gabiriarren doinuei.

Euskal Herriko mus txapelketa

Larunbatean jokatu zen Gabiriako Ostatuan Euskal Herriko mus txapelketarako sailkapena. 8 bikotek hartu zuten parte, eta Asier Bidegain eta Eñaut Asurabarrena izan ziren txapeldunak, Aratz Igartzabal eta Iker Arratibelen aurka jokatutako finalean. Asierrek eta Eñautek Seguran jokatuko den Gipuzkoako txapelketarako txartela lortu zuten. Zorionak!

Herri Eskolak eta Guraso Elkarteak antolatutako ikastaroak

Balentzategi Herri Eskolak eta Guraso Elkarteak bi ikastaro antolatu dituzte, eta horietan parte hartzeko aukera zabaldu nahi die herritar guztiei. Gaur egun gurasoek bizi duten presa eta seme alabek bizi dituzten estimulu sozial guztiak kontutan izanda, sarritan jokaera desegoki batzuk edukitzea ekar lezakete, eta gurasoen aldetik hori kudeatzeko arazoak izatea. Hori dela eta, Guraso elkarteari … Continue reading Herri Eskolak eta Guraso Elkarteak antolatutako ikastaroak

Irakurleen txokoa otsailaren 1ean

Irakurleen txokoaren hurrengo saioan Bernardo Atxagaren “Etxeak eta hilobiak” eleberria aztertuko dute. Otsailaren 1ean elkartuko dira, arratsaldeko 16:00etan kultur etxean. Oraindik irakurri ez baduzue, badaukazue astia; animatu!

Bola txapelketa urte zahar egunean

Azken urteetan egin izan den bezala, 2019ari ere bola txapelketa herrikoiarekin eman genion amaiera Gabirian. Ohitura bihurtzen ari da, eta aurten ere 30 lagunek baino gehiagok parte hartu zuten. Irabazlea Joxean Ormazabal izan zen, eta urdaiazpiko izter ederra eraman zuen etxera. Baina ez zen izan saria eskuratu zuen bakarra; izan ere, sagarrak, gazta, Bertatik Bertarako … Continue reading Bola txapelketa urte zahar egunean