Gabiriako Ostatua

Category Archives: Gabiriako Ostatua

Euskal Herriko mus txapelketa

Larunbatean jokatu zen Gabiriako Ostatuan Euskal Herriko mus txapelketarako sailkapena. 8 bikotek hartu zuten parte, eta Asier Bidegain eta Eñaut Asurabarrena izan ziren txapeldunak, Aratz Igartzabal eta Iker Arratibelen aurka jokatutako finalean. Asierrek eta Eñautek Seguran jokatuko den Gipuzkoako txapelketarako txartela lortu zuten. Zorionak!

EUSKAL HERRIKO MUS TXAPELKETA

Aurten ere Euskal Herriko mus txapelketako kanporaketa egingo da Gabiriako Ostatuan. Aurten ordea, bikoteko pertsona bat behintzat bertakoa izan beharko da. Txapelketa, ostiral honetan, Urtarrilak 25, 22:30etan izango da (izen ematea 22:00etan) Gabiriako ostatuan eta final nazionala Lizarran jokatuko da martxoaren 16an.

URTE ZAHAR GAUA

Aurten lehenengo aldiz urte zahar gauean Gabiriako ostatua ireki egingo da. Goizeko 1:00ak inguruan irekiko dute eta itxiera ordurik ez dute zehaztu.   Animatu zaitezte bertara ostatukoekin “brindisa” egitera!

TXANTXANGORRI ALDIZKARIA

Hemen dituzue Gabiriako Ostatukoek Txantxangorri aldizkarian idatzitako hainbat errezeta: 81. alea https://issuu.com/txantxangorri_aldizkaria/docs/txantxangorri_81 83. alea 85. alea https://issuu.com/txantxangorri_aldizkaria/docs/txantxangorri_85/30 SARTU ETA KUXKUXEATU!

BERTSO BAZKARIA

Euskaraldiaren barruan egingo dugun beste ekintzetako bat bertso bazkaria izango da. Iaz Euskararen egunean izan zen eta aurten bezperan izango da, abenduaren 2an, igandea, 14:30ean Gabiriako ostatuan. Bertan bazkaldu nahi izanez gero, txartelak salgai daude ostatuan bertan, 20€an.