Datorren igandean, urtarrilaren 16an, arratsaldeko 18:00etan Joseba Iztueta Dorronsoro gabiriarraren “Pamir distantziak” dokumentala ikusteko aukera izango dugu, eta ondorenean, solasaldia izango da. Irudi zoragarriez gain, pasarte zirraragarriak ere izango ditu eskaintzeko, seguru. Animatu eta hurbildu!
Urtarrilaren 22an irakurleen txokoa
Urtarrilaren 22an, arratsaldeko 16:00etan, irakurleen txokoan Miren Agur Meaberen “Nola gorde errautsa kolkoan” eta Irati Goikoetxearen “Herriak ez du barkatuko” irakurgaiak landuko dituzte. Saio hauek irekiak izaten dira, eta liburua irakurri gabe ere parte har daiteke. Dena dela, oraindik garaiz zabiltzate liburuak eskuratu, irakurri eta bertaratzeko ere. ANIMATU!
Erik eta Win emanaldia azaroaren 28an
Datorren igandean, hilaren 28an, Erik eta Win bertso, kantu, antzerki emanaldia izango dugu elizako saloian arratsaldeko 18:00etan. Azaroaren 25ean emakumeen aurkako genero indarkeriaren kontrako eguna izango da, eta aitzakia ederra iruditu zaigu gizon eredu berrien inguruko hausnarketa piztu nahi duen emanaldi honi tokia egiteko. Animatu eta hurbildu!
Autopista elektrikoa: prentsaurrekoa azaroaren 23an
Duela aste batzuk hizpide izan genuen Itsaso-Castejon/Muruarte lineaz gain, beste linea baten proiektuak ere gure herria zeharkatzen du, Zaragoza-Gatika lineak hain zuzen ere. Horren aurrean, Autopista Elektrikorik ez plataformaren izenean, Goierri mailako prentsaurrekoa egingo da datorren asteartean, hilaren 23an, Gabiriako plazan, arratsaldeko 17:30ean. Denongan izango du eragina, beraz, animatu, eta hurbildu!
Autopista elektrikoaren inguruko batzar irekia
Autopista elektrikoa presente daukagu berriro herrian. Jakinarazi nahi dizuegu batzar irekia dagoela larunbat honetan, urriaren 30ean, Etxarri Aranatzen, goizeko 11:30ean. Animatu, eta parte hartu!
Argitu tailerra urriaren 27an
Aurrez aurreko Argitu tailerreko ikastaroak berriro martxan jarri dituzte. Gabirian, urriaren 27an arratsaldeko 18:30ean, udaletxeko areto nagusian, etxebizitzetan birgaitze energetikoa sustatzera, eta, bide batez, herritarren bizi kalitatea hobetzera zuzendutako tailerrean parte hartzeko aukera izango dugu. Eman izena argitu@gipuzkoa.eus helbidera idatzita edo 605757687 telefono zenbakira deituta, eta esan zein herritakoa zaren. Ikastaroak aurrera egiteko, ezinbestekoa da … Continue reading Argitu tailerra urriaren 27an
Hainbat ohar
Bihar bertan, urriaren 8an, Gabiriako liburutegiak ateak irekiko ditu berriro. Aurten, Miriam Mandiola izango da gidaria, eta ostiralero izango da bertan, 16:00etatik 18:00etara. Urriaren 15ean, ostirala, iluntzeko 19:00etan, irrintziaren inguruko solasaldia izango dugu Nerea Barandiaran lazkaotarrarekin. Kultur etxean izango da, eta edukierak % 100ean dauzkagunez, ez da izena eman beharrik izango. Bestalde, jakinarazi nahi dizuegu … Continue reading Hainbat ohar
Goi tentsioko linea
Uztailean, “Castejon-Itsaso” proiektua aurkeztu zuten Goi Tentsioko Linea berria martxan jartzeko (laugarren proiektua da), eta aurreko astean iritsi zen Gabiriako Udalera. Aldundiaren boletineko txostenean jaso denaren arabera, 80 eta 110 metro arteko 11 poste jarriko lituzkete, eta horrek herriko dozenaka lurjaberi eragingo lieke. Gainera, proiektu honetan aurkeztutako bidea ez da aurrekoen berdina, eta gune berrietatik … Continue reading Goi tentsioko linea
Irakurleen txokoa larunbatean
Larunbat honetan, irailaren 25ean, arratsaldeko 16:00etan irakurleen txokokoek hitzordua dute “Erabili goldea hilen hezurren gainetik” eleberriaz hitz egiteko. Olga Tokarczuk idazlearena da lana, eta itzulpena izango dute esku artean. Animatu eta parte hartu, solasaldi irekia da eta!
“Etxeko instalazio fotovoltaikoei buruzko azalpenak” hitzaldia
Mikel Intxausti herritarrak irailaren 30ean arratsaldeko 18:30ean, “Etxeko instalazio fotovoltaikoei buruzko azalpenak” izeneko hitzaldia eskainiko digu. Mikelek esperientzia du kontu honetan, eta berak emandako pausoak kontatuko dizkigu propio guretzat prestatu duen aurkezpenean. Aforo kontuak behar bezala errespetatzeko, ezinbestekoa izango da izena ematea. Horretarako, deitu 943880734 telefono zenbakira edo idatzi udala@gabiria.eus helbidera. Ez galdu aukera paregabe … Continue reading “Etxeko instalazio fotovoltaikoei buruzko azalpenak” hitzaldia