All posts by Udal Batzordeak

Argitu ikastaroak

Aurreko asteartean, hilaren 20an, energia aurrezteko aholkuen inguruko ikastaroa izan zen udaletxeko areto nagusian. Datorren asteartean egitekoa zen energia berriztagarriei buruzko ikastaroa ordea, bertan behera geratu da osasu-egoera dela ta. Espero dugu aurrerago egiteko modua izango dela.

Euskaraldia: banderatxoak eta abar

Dakizuen moduan, azaroaren 20tik abenduaren 4ra Euskaraldiaren 2. edizioa izango dugu martxan, eta dagoeneko 46 gabiriarrek eman dugu izena! Parte hartzeko, Ahobizi edo Belarriprest rola aukeratu behar duzue, eta www.euskaraldia.eus helbidean izena eman. Aurten, 5 €ren truke, balkoietan jartzeko banderatxoak erosteko aukera daukazue, bai udaletxean bertan, eta baita online dendan ere. Bertan, banderatxoez gain, kamisetak, … Continue reading Euskaraldia: banderatxoak eta abar

Hip hip URRI! 2020

Noiz sortu duzu, azken aldiz, zerbait familian? Aurten, Arte Garaikidea familiei hurbiltzeko tailerra prestatu dute Hip hip URRI!ren antolatzaileek. Horren bidez, adin ezberdinetako kideen eta artisten arteko lankidetza sustatu nahi da. Hainbat materialekin esperimentatuko dugu, norberaren fantasiak eta barne mundua adierazteko. Helburua, bakoitzaren genero-adierazpena modu sortzailean eraldatzea da, irudiaren eta kontsumo-produktuen bidez, aniztasuna aberastuz. Animatu … Continue reading Hip hip URRI! 2020

Euskal Herriko tontorren igoera urriaren 3an

Urriaren 3an, Sarek antolatuta eta “Izan bidea” dinamikaren baitan, preso eta iheslarien etxeratzearen alde eta elkarbizitza eta bakearen alde, 650 bat tontorretara igoera egingo da Euskal Herri osoan. Herri bakoitzean gain batera igoko gara, eta Gabirian, Murgil mendia aukeratu dugu. Ibilaldia egiteko, goizeko 10:30ean elkartuko gara Ostatu aurrean. ANIMATU!

Dokumentalaren emanaldia eta Valentin Larrearen obraren kontzertua

Irailaren 18an, ostirala, hainbat eta hainbat gabiriar gerrara joan ziren egunaren 84. urteurrenean, “Goazen gabiriar danok” liburuan oinarrituta egindako dokumentalaren emanaldia izan genuen kultur etxean. Emanaldia amaitutakoan, Aimar Maizekin solasean aritzeko aukera izan genuen, eta memoria historikoaren inguruan lanean jarraitzearen garrantziaz aritu ginen, besteak beste. Igandean, berriz, Valentin Larrea Yturbe gabiriarraren obraz gozatzeko aukera paregabea izan … Continue reading Dokumentalaren emanaldia eta Valentin Larrearen obraren kontzertua

Ikasi euskara Gabirian bertan

Aurten ere, herritarrei Gabirian bertan euskara ikasteko aukera eman nahi diegu. Horretara animatzeko, UEMAren laguntzarekin, promozio-bideoa grabatu dute irakasle eta ikasle banak. Hemen topatuko duzue UEMAk argitaratutako albistea, eta baita bideoa bera ere. Animatu, eta eman izena!